Сыртқы ақауларды анықтау;  ▪

▪

 

Жаттықтыру  немесе  іске  кірістіруден  соң  пайда  болатын 

ақаулықтарды анықтау.  

Операциялық  бақылау  құрастырылатын  бұйым  сапасының 

жеке  көрсеткіштерін  тексеруге  арналған.  Бұл  ретте  құрастыру 

кезінде  алынған  нақты  параметрлерді,  техникалық  құжаттамамен 

белгіленген  параметрлермен  салыстырады.  Осы  мақсаттар  үшін 

кейбір  құрастыру  бірліктерін,  пайдалану  шарттарына  ұқсатумен 

арнайы  стендтерде  сынайды.  Пайдаланылатын  машинаның 

сенімділігіне  әсер  ететін  беріктік,  қымтақтылық,  дiрiлорнықтылық 

және басқа параметрлерді тексереді.  

Дайын машиналарды шығыс бақылау құрастыру цехтері мен 

сынау  стендтерінде  орындалады.  Жинақталған  параметрлерді 

тексеру  бұйымды  дайындау  кезеңінде  аяқталған  фаза  болып 

табылады.  Құрастыру  цехында  құрастыру  бірлігі  мен  бұйым 

жүйесінің монтажын, саңылаулардың, радиал тартылыс пен қаптал 

соққыларының сызба талаптарына сәйкестілігін тексереді.  

Сынау  стендтерінде  нормативтік-техникалық  құжаттамада 

қарастырылған жұмыс  тәртіптерінің барлығында дайын бұйымның 

шығыс  параметрлерін  өлшейді.  Бұйымның  төзімділігі  мен 

мүлтіксіздігіне  әсер  ететін  параметрлерге  ерекше  көңіл  бөлінеді, 

олар мысалы айналушы элементтермен қалыптасатын діріл деңгейі, 

сырғанау  тірегін  майлау  шарттары,  қуатты  немесе  отынды 

пайдалану,  бұйыммен  қалыптастырылатын  күш  немесе  бұрау 

моменті.