«Дауыстап оқу» жастар ақциясы

Елбасының «Болашаққа бағдар: рухани жаңғыру» мақаласындағы игі бастамаларды негізге ала отырып, 18 қазанда Н.В.Гоголь атындағы Қарағанды ОӘҒК ұйымдастыруымен қарағандылық ақын, Қазақстан Жазушылар одағының мүшесі, ҚР еңбек сіңірген өнер қайраткері, көптеген жүлделердің лауреаты Серік Ақсұңқарұлының шығармаларын тікелей эфирде «Дауыстап оқу» жастар ақциясы болып өтті. Жастардың кітап оқуға қызығушылығын арттыру, қазіргі заманғы қазақстандық ақын-жазушылар шығармаларымен таныстыру, патриотизмге тәрбиелеу мақсатында ұйымдастырылған шараға С.Сейфуллин атындағы Орталық қалалық кітапханасы да қатысты. Аталмыш акцияға кітапханаға қарасты «Кәусар» әдеби-жастар клубының мүшелері - №15 мектеп-лицейінен А.Камеридина, А.Қошанова, Д.Жұма, Абай атындағы №2 лицейден М.Алғамжанов, Н,Мамырлан, А.Алтай, А.Кенжеханова мен Балқаш медициналық колледжінің студенттері Ә.Бахытжанқызы, С.Әбден, Б.Тұрғанова қатысты. Қатысушылар ақын өлеңдерін нақышына келтіріп, асқан тебіреніспен мәнерлеп оқыды.

2017 жылдың 20 маусым - 20 шілде аралықтарында С. Сейфуллин атындағы Орталық қалалық кітапханада «Кітапханаға кітап сыйла» атты науқан өткізілді. Бұл науқанның басты мақсаты адамдардың бір-біріне кітап сыйлау сезімдерін ояту, оқу мен кітаптың құндылықтарын еске түсіру. Барлығы 87 адам қатысты. Олардың арасында кітапхананың тұрақты оқырмандары, сонымен қатар кітапханаға алғаш келгендерде болды. Науқанға адамдар бір-бірлеп келсе, кейбірі отбасыларымен, ал кейбір кітап сыйға тартушы адамдар кітапханаға бірнеше мәрте қайта келді. Кітапханаға ең көп кітап сыйлағандар Л. Есимбекова, Л.Шаповалова, О.Гетерле, М.Есенжол, Г.Морозов және т.б.. Мазмұны жағынан кітаптар әр түрлі болды: ғылыми және балалар әдебиеті, орыс және әлем классикасы, қазіргі заман прозасы және детективтер.

Ұлы Абайдың шығармашылығына құрметпен қарайтын және болашақ ұрпақтың сабақтастығы үшін сенімді көпір болып табылатын осындай оқиғалар жастарды еңбекқорлыққа, адамгершілікке және рухани тәрбиелеу құралы ретінде жалғасын таба бермек.