Дипломмен жұмысқа Астана қаласы əкімдігіне қарасты Жұмыспен қамту орталығы кеше

АстанаАқшамы.- 2016.- №79.- 12 шілде 

Жақып М. 

Дипломмен - жұмысқа 

      Астана  қаласы  əкімдігіне  қарасты  Жұмыспен  қамту  орталығы  кеше 

түлектерге арналған бос жұмыс орындар  жəрмеңкесін өткізді. Айтулы 

шараға  С.Сейфуллин  атындағы  Қазақ  агротехникалық  университетін 

электроэнергетика,  радиотехника,  электроника  жəне  телекоммуника-

ция  мамандығы бойынша оқуын биыл бітірген жастар қатысты. 

      Шағын-аукционға техника саласындағы 5 кəсіпорын 20 шақты бос жұмыс 

орнын  ұсынды. «Мекемеміз  жол  қозғалысын  реттеумен  айналысады. 

Бағдаршамдық  шаруашылық  бөліміне  инженер-электрик  қажет.  Тəжірибесі 

жоқ жас маманды жұмысқа тартып көрмекшіміз. Оларға осы істің қыр-сырын 

үйрететін  кəсіби  жетекшіні  бекітеміз.  Ең  басты  талап – жоғары  білімнің 

болуы. Еңбекақы – 130 мың теңге» дейді кадр қызметкері Ирина Бойко. 

      Жəрмеңкенің  уақыты  дипломды  салтанатты  түрде  табыстау  рəсімімен 

тура  келгендіктен,  бітірушілердің  бар  зейіні  көптен  күткен  сəтті  тойлауда 

болды. Өкінішке қарай, жұмыс берушілердің ұсыныс үстеліне қызығушылық 

танытқандар  қатары  көп  бола  қойған  жоқ. «Түлектер  қазір  қуаныш  үстінде. 

Дипломдары  қолына  тиді. «Бəрі  бізді  құшақ  жая  қарсы  алады»  деп 

асықпайды.  Əдетте  жастар  еңбек  нарығындағы  бəсекелістікті  күзде  ғана 

ұғады. Сол кезде жан-жақтан жұмыс іздеп, ширақ қимылдай бастайды» дейді 

Жұмыспен қамту орталығының маманы Ардақ Жексембина. 

Оның  айтуынша,  техника  саласындағы  жұмыс  берушілер  осындай 

шақыртуларды  қуана  қабылдайды.  Жұмыс  берушілердің  арасында  жас 

маманды өз қаражатына оқытып, жұмыспен қамтуға мүдделі кəсіпорындар да 

бар екен. Мəселен Астанадағы бірқатар ғимаратты өртке қарсы құрылғылар-

мен  жабдықтайтын  кəсіпорынның  бірі  инженер-жобалаушы  қызметіне 

қағілез  жастарды  іздеп  келіпті. «ҚазАТУ-дың  білім  беру  жүйесіне  ризамыз. 

Олардан  жақсы  инженерлер  шығады.  Теориялық  білімдері  терең,  біз  тек 

практикаға баулимыз» дейді Инна Магда есімді қадр қызметкері. 

      Түлектердің  бірқатары  əңгімелесуден  өтіп,  жұмыс  берушілерге 

түйіндемелерін  қалдырды.  Дипломын  енді  алған  түлектер  үшін  осындай 

жəрмеңкелер алдағы уақытта да ұйымдастырылатын болады.