Білім беру бағдарламасы бойынша «Информатиканы оқыту әдістемесі»

1. Аталған фактіні информатика сабағында қалай пайдалануға болады? Аталған факт бойынша «Ұғымдар ағашы» схема-графын құрастырыңыз.

2. Оқушылардың пəн бойынша қосымша материалдарды оқып- үйренуге бағытталған өзіндік жұмысын қалай ұйымдастыру керек?

Əдістемелік ұсыныстар

Сабақта оқу ақпаратын құрылымдауға арналған жəне 2 жағдаяты шешу үдерісінде тапсырмаларды орындау үшін іздеу жүйесін пайда- лану мақсатқа лайық.

Ақпаратты өңдеу – бұл мақсатқа бағытталған үдеріс. Ақпаратты өңдеуді табысты орындау үшін орындаушыға өңдеу тəсілі белгілі бо- луы керек, яғни қажетті нəтижеге жетуге бағытталып орындалатын əрекет тізбегі. Мұндай əрекеттің тізбектілігін информатикада өңдеу алгоритмі деп атау қабылданған.

Ақпаратты өңдеу туралы əңгіме базалық курстың сəйкесінше алгоритмдеу тарауында қарастырылады. Мұнда біз алгоритмдер тақырыбы информатиканың негізгі іргелі ұғымдарынан – ақпараттық үдерістер ұғымынан шығатындығына назар аударғымыз келіп тұр. Оқушылар ақпаратты өңдеуге байланысты жағдайларға мысалдар келтіре білуі тиіс. Мұндай жағдайларды екі типке бөлуге болады.