бағыт. Өңір экономикасының дамуы

1 бағыт. Өңір экономикасының дамуы

Мақсаты: Экономиканың тұрақты өсуін, халықтың әл-ауқатын көтеруді, жоғары қосылған құны бар дайын өнімді сыртқы рыногқа жылжытуды қамтамасыз ететін өңірдің бәсекеге қабілетті мамандандырылуын қалыптастыру.

Мақсаты: мұнай-газ саласын тиімді дамыту арқылы өңір экономикасының тұрақты және теңгерімді өсуін қамтамасыз ету.

Облыс экспортындағы үлесі жоғары тау-кен өндіру өнеркәсібі орта мерзімді перспективада өңір экономикасының басым саласы болып қала береді. Мұнайды өндіруді және экспорттауды одан әрі күшейту жалғасын таппақ. Таяу келешекте тау-кен өндіру өнеркәсібіндегі басты міндет қолданыстағы экстенсивтік технологиялардың орнына кен орындарын игерудің белсенді технологияларын енгізу болып табылады.

Жоспарланған кезеңде мұнай өндіру көлемінің өсуін қамтамасыз етуге жаңа кен орындарын игеру, теңізде мұнай өндіру инфрақұрылымын және Каспий теңізі қазақстандық секторының жағалаулық жолағын дамыту есебінен қол жеткізіледі.

Мұнай химия өндірісінің іс-қимыл стратегиясы мұнай өңдеу өнімдерін ішкі пайдалануды арттыруға, сондай-ақ көрші өңірлерге экспорттауға бағытталды. Бұдан әрі химия мен мұнай химиясын, машина жасауды дамытуға бағытталған мұнай-химия кластерін құру жоспарланып отыр.

Мұнай химия секторында мыналар: Ақтау пластмасса зауытының базасында салынып біткен «Caspi Bitum» БК» ЖШС-нің битум зауытын (Қаражанбас мұнайын қайта өңдеу) пайдалануға беру есебінен көмірсутегі шикізатын өңдеудің тереңдігі мен көлемін ұлғайту. Толық жобалық қуатттылыққа шығу (жылына 420 мың тонна битум шығару) 2015 жылға қарай жоспарлануда.
2.2. Құрылыс индустриясы және құрылыс материалдарын шығару

Мақсаты: Маңғыстау облысының құрылыс индустриясын және құрылыс материалдары өндірісін дамыту

Маңғыстау облысының құрылыс индустриясын дамыту 2011-2015 жылдары құрылыс материалдарын, бұйымдарын және конструкцияларын шығаруды одан әрі дамытуға, инновациялық негізде жаңа өндіріс түрлерін дамытуға, құрылыс өнімдерінің сапасы мен қауіпсіздігін арттыруға бағытталады.

Облыста шикізаттың бар болуы, құрылыс-жинақтау жұмыстарының көлемін арттыруға арналған беталыс қолданыстағы өндірістерді жаңғырту мен ішкі сұранысты қамтамасыз етуге бағытталған құрылыс материалдары өндірісін дамыту үшін қолайлы жағдай жасайды.
2.3. Фармацевтикалық өнеркәсіп

Мақсаты: Өңірде өндіріс құру арқылы құн-салмақ коэффициенті төмен дәрі-дәрмектер жеткізу бойынша шығындарды азайту

Соңғы тұтынушыға өнімді жеткізу бойынша шығындарды азайту мақсатында, саланы дамыту аясында «Медикал Фарм Ча-Кур» ЖШС-нің сұйық дәрілік нысандары мен медициналық мақсаттағы бұйымдарды шығару бойынша фармацевтикалық кешенін (жобалық қуаттылық – жылына көлемі 50-500 мл инфузиялық дәрілік заттарды 20 млн.данада шығару, пайдалануға беру мерзімі – 2014 жыл) салу жүзеге асырылмақ.

Фрамацевтикалық кәсіпорында жұмыс істеуі үшін жұмыссыздар мен жастарды оқыту, фармацевтикалық кешенде жұмыс істейтін мамандардың біліктілігін арттыру жоспарлануда.
2.4. Химия өнеркәсібі

Мақсаты: өндіріс көлемін одан әрі дамыту және арттыру, химия өнімдерін экспорттау үшін жағдай жасау

Мақсаты: Өңірдің өңдеу өнеркәсібіндегі машина жасау үлесін арттыру.

Облыс үшін кеме жасауды дамыту перспективалы болып табылады. Аталған мақсаттың жетістігі ішкі нарықтың мүмкіндіктерін тиімді пайдаланудан, технологиялық жаңғыртуды ынталандырудан және жаңа өндірістерді құрумен көрінеді.

ҮИИДБ төңірегінде «Кеме және өзге де жүзу құралдарын және су жолының қосымша қызметін жөндеу және құрау», «САГА Аташ» ЖШС-нің жобалық қуаттылығы: жылына 96 кемені жаңаландыру және жөндеу жобасы жүзеге асырылуда. Қазіргі уақытта келісім жасалды және м/к 8500 т өздігінен жүрмейтін жүзбелі доктың құрылысы басталды. №2 пирстің құрылысы және құрылғыларды жеткізу бойынша келісімшартқа қол қойылды. «Жүзбелі докты орналастыру» жобасы әзірленді.
2.6. Металлургия және дайын металл бұйымдарын шығару

Мақсаты: жоғары қосылған құны бар дайын металл бұйымдарын шығару.

Металл өнімінің жалпы көлемін арттыру міндеті шешіміне теңіз мұнай өндірісінің инфрақұрылымын қалыптастыруды қамтамасыз ету және Каспий теңізінің қазақстандық секторын дамытудан көрінеді.

Аталған тапсырмаларды шешу үшін негізгі іс-шаралар:

- Баутино кенті ауданында металл конструкцияларын шағару бойынша зауыттың құрылысы («ТеңізСервис» ЖШС), жобалық қуаттылығы – ауданы 19,97 га., пайдалануға беру мерзімі – 2010 жыл;

Мақсаты: Өңірдің өңдеу өнеркәсібіндегі жеңіл өнеркәсіп үлесін арттыру.

Облыс жеңіл өнеркәсібін: тігін өнімдері мен аяқ киім шығаратын «Жамал-ай» АҚ кәсіпорнын және тек қана бұйымдарды тігуге бағытталған «Жанарыс» ЖШС-ін одан әрі дамыту.

Аталған саланың кәсіпорындарын қолдау, шығарылатын өнімді сатып алуға облыстың жүйе құрушы ірі кәсіпорындарын, жер қойнауын пайдаланушыларды және мемлекеттік мекемелерді тарту арқылы жүзеге асырылмақ.
3. Агроөнеркәсіптік кешен

Мақсаты: Ауыл шаруашылығы өнімдерін ішкі рыног тұтынушыларын қанағаттандыруға жеткілікті көлемде өндіру негізінде облыстың азық-түлік қауіпсіздігін қамтамасыз ету.

Таяу арада мына шараларды іске асыру:

Каспий маңы бағытында: Орта Азия және Таяу Шығыс елдеріне 1,5 млн. тонна астықты экспорттауды қамтамасыз ететін Бейнеу ауылындағы 100 мың тонна астықты бір мезгілде сақтайтын қуаттылығы бар элеваторды жүктеу;

өзіндік ауыл шаруашылығы өндірісін дамыту есебінен өңірдің азық-түлік қауіпсіздігін қамтамасыз ету;

жылыжай шаруашылығын дамыту және суды үнемдейтін тамшылатып суару технологиясын кеңінен енгізу, пайдаланылмай отырған және жаңа суармалы жерлерді айналымға тарту;

мал басын арттыру және мақсатты селекциялық-тұқымдық жұмыс жүргізу есебінен өндіріліп жатқан мал шаруашылығы өнімдерін шығару көлемін және сапасын арттыру;

өңір халқын балық өнімдерімен қамтамасыз етуді арттыру үшін балық аулауды және тауарлық балық өсіруді қамтамасыз ету;

мал шаруашылығын дамытуды субсидиялау;

ветеринарлық іс-шаралар өткізу;

сумен жабдықтаудың аса маңыздың топтық жүйелерінен су жеткізу бойынша қызметтің құнын субсидиялау (ауыз су);

ауыл шаруашылығы тауарын өндірушілерге су беру бойынша қызметтің құнын субсидиялау;

егіннің шығымдылығын және өндірілетін ауыл шаруашылығы өнімдерінің сапасын арттыруды қолдау;

қаржы институттары арқылы тауарлық кредит пен лизинг беруді одан әрі дамыту және жетілдіру;

кәсіби кадрларды даярлау және қайта даярлау, ғылыми және ақпараттық-маркетингтік қамтамасыз ету;

ауыл шаруашылығы жануарларына бірдейлендіру жүргізу, электронды деректер базасын құру;

ауылдық тұтыну кооперативтері мен сервистік-даярлау орталықтарының желісін одан әрі дамыту жалғасады.

Мақсаты: Шағын және орта кәсіпкерліктің тиімді жұмыс істеуін қамтамасыз ететін рыногтық инфрақұрылымды дамыту. Жалпы өңірлік өнім құрылымындағы сауда саласының үлесін арттыру

Орташа мерзімді кезеңде кәсіпкерлік ахуал құруға, жеке секторды ынталандыруға және бәсекелестік артықшылықты жетілдіруге, нақты өндірістердегі қосылған құн тізбегіндегі элементтерді игеруге, ғылымды көп қажет ететін және жоғары технологиялық экспортқа бағытталған өндірістерді құруды ынталандыруға, әлемдік сапа стандарттарына ауысуға басты назар аударылмақ.

Халықтың жұмыспен қамтылуын және кедейлік деңгейін төмендету мақсатында, Маңғыстау облысында шағын кәсіпкерлікті дамытуға жәрдемдесу.

Шағын бизнесті ірі кәсіпорындармен біріктіру.

Міндетті шешу бойынша негізгі іс-шаралар нормативтік-құқықтық базаны жетілдіру жөніндегі ұсыныстар әзірлеуге бағытталған.

Шағын және орта кәсіпкерлік субъектілеріне арналған буклеттер мен әдістемелік құралдар шығару.

"Бизнестің жол картасы - 2020" бағдарламасы аясында мемлекеттік қолдауды, жаңа инвестициялық жобаларды, сондай-ақ өндірісті жаңғыртуға және кеңейтуге бағытталған жобаларды:

- банк кредиттері бойынша пайыздық мөлшерлемені және ішінара кепілдемені субсидиялау;

- өндірістік инфрақұрылымды дамыту;

- бизнес жүргізу қызметтік қолдау;

- кадрлар даярлау арқылы жүзеге асыру.

Рұқсат беру жүйесін оңтайландыру жөніндегі іс шараларды жүргізу, оның ішінде Маңғыстау облысы әкімінің жанындағы кәсіпкерлік мәселелері бойынша сараптамалық кеңестің қызметін қамтамасыз ету.

Мақсаты: Инвестициялық ахуалды жақсарту, облыстың инвестициялық жобалары мен тауарларды, жұмыстарды және көрсетілетін қызметтерді сатып алуда қазақстандық және жергілікті қамту үлесін арттыру

Алдағы жылдары:

Облыс аумағында жаңа перспективалық өндірістер құру үшін шетелдік және жергілікті инвесторларды тарту;

АЭА аумағында экспортқа бағдарланған жоғары технологиялық өндірістер орналастыру үшін инвесторларға тартымды жағдай құру;

«Ақтау теңіз порты» АЭА аумағында қажетті инфрақұрылым салу (инженерлік және көліктік);

мұнай-газ саласының кәсіпорындары үшін өндірістік базаны, халық тұтынатын тауарлар өндірісін, шағын және орта бизнес кәсіпорындарын дамыту бойынша жұмыс жалғасады.

Сыртқы экономикалық қызметті ырықтандыру және жандандыру өңір экономикасының әлемдік шаруашылық байланыстар жүйесіне кіруіне ықпал етпек.

Үдемелі индустриялық-инновациялық дамыту жөніндегі мемлекеттік бағдарлама аясындағы жобаларды іске асыруға, олардың толық жобалық қуаттылыққа шығуына, жаңа жобаларды ісздеп, оларды Индустрияландыру картасына енгізуге тұрақты мониторинг жүргізу жалғасын таппақ.

Инвестициялық жобалар мен жер қойнауын пайдаланушылардың жобаларындағы қазақстандық қамту үлесін арттыру жөніндегі іс-шараларды іске асыру мақсатында:

облыс кәсіпорындарында ақпараттық-насихат жұмыстарын жүргізу, қажетті материалдық ресурстарды жергілікті тауар өндірушілерден сатып алу үшін барлық өнрекәсіптік компаниялардың басшыларымен, тауар өндірушілермен және сервистік компаниялардың басшыларымен кездесу өткізу;

тауарларды, жұмыстарды және көрсетілетін қызметтерді/келісімшарттарды сатып алудағы қазақстандық қамту бойынша өзара ынтымақтастық туралы меморандумдар жасасу;

облыс әкімін қатыстыра отырып, облыстың инвестициялық жобаларындағы қазақстандық қамтуды арттыру жөніндегі жұмыс тобының отырыстарын өткізу көздестірілуде.

Шетелдік жұмыс күшін ауыстыру, өңір экономикасының салалары үшін қазақстандық азаматтарды даярлау және қайта даярлау бойынша жұмыс жалғасады. Аймақтың экономика салалары үшін облыстың техникалық және кәсіби 24 ұйымында 115 мамандық бойынша жергілікті кадрларды даярлау және қайта даярлау іске асырылуда.